DBH 4 ZIENTZIA IKUSMENA

Ikusmena

Objektuen kolorea, forma eta tamaina eta zer distantziatan dauden hautematen dugu ikusmenaren bidez, argiari esker.

Begiak ikusmenaren organoak dira. Argi-estimuluak hautematen dituzte, erretinako zentzumen-hartzaileei esker.
Begiak bi atal ditu:

• Begi-globoa. Likidoz betetako esfera bat da, hiru geruza dituena; haietako bat erretina da. 
• Organo erantsiak. Begia babesteaz gain, haren mugimendua eragiten dute. Bekainak, betileak, betazalak, malko guruinak eta begiko giharrak dira. 

Argiak kornea eta kristalinoa zeharkatzen ditu, bai eta begi-globoko likidoak ere, eta erretinara iristen da. Han, zentzumen hartzaileek argia nerbio-bulkada bihurtzen dute. Nerbio-bulkadak ikusmen-nerbioen bidez igortzen dira garunera. Garunak, jasotako informazioa oinarri hartuta, irudia sortzen du.

INTERESGARRIA