Entzumena
Belarriak entzumenaren zentzumen-organoak dira. Haren zentzumen-hartzaileak barakuiluan edo koklean daude.
Belarriak hartutako informazioa entzumen-nerbioaren bidez igortzen da garunera.
Belarri-hegalak hotsak hartu eta tinpanora transmititzen ditu, entzunbidearen bitartez. Tinpanoak dar-dar egiten du hotsak hartzean, eta dardara hori barakuilura transmititzen du, hezurtxo-katearen bidez. Dardarak zentzumen-hartzaileek hautematen dituzte, eta nerbio bulkadak igortzen dituzte garunera, entzumen-nerbioaren bidez.
